خبز الكيتو في الكويت
تنبيه و تحذير : لا ينصح أبداً بإستخدام خبز الكيتو لعدة أسباب
1 – تأثيره السلبي على نسبة كبيرة من الناس و أدى إلى رفع السكر لديهم
2 – من ضمن أهداف الكيتو هو التعود على كمية أكل قليلة و هذا الخبز يتعارض مع هذا الهدف ويفتح الشهية
خبز و توست وصمون تصلح للكيتو من مخبز أمير الأمراء بالكويت
حسابهم الانستجرام :
تصلح لتثبيت الوزن فقط
ولا تصلح لمن يقومون بخسارة الوزن
المخبز عنده مخبوزات معمولة من طحين بذر الكتان.
و حسب تأكيدهم المستمر
.. بإن هذه المنتجات أولاً خالية من أي سكر بأي شكل من الأشكال و ثانياً خالية من أي نوع ثاني من الطحين و عبارة عن طحين بذر الكتان ١٠٠%
يعني المخبوزات هذي تنفع للكيتو لتثبيت الوزن.
- خبز
- صمون
- بقصم
- شابورة
- مقرمشات
فإلي يبي ياخذ منهم هالمنتجات تأكدو إنكم تطلبون منهم
الأصناف المعمولة من بذر الكتان و دوار الشمس فقط.
-
تحذير
- لأن مافي أي حسبات و أرقام لهم فنصيحتي بإن ما تكثرون منه.
- تاكلون منه مره وحدة باليوم إلا إذا كنتو أساساً عالكيتو كنمط حياة ..
- يعني ما عندكم وزن زايد أو أمراض بتعالجونها بالكيتو.
- بهالحالة ممكن تاكلون منها أكثر من مره باليوم.
و عليكم بالعافية
مو صحيح .. كليت منهم رفع السكر عندي
والله معك حق الظاهر يرفع الانسلولين عند بعض الناس حسب الجسم
ولد عمي تدري وين احصل اريثريتول او اي سكر كيتو بالكويت غير الستيفيا انشلخنا فلوس شحن!
اخوي ليش ما تبي ستيڤيا ؟
متوفر بالجمعيات .. وستيفيا افضل بس لازم مكتوب عليها ستيفيا اكسترات .. لان في ستيفيا رخيصه مخلوطه بشغلات ثانيه غير صحيه
Stevia extract
شباب اللي يعرف منتجات كيتو يا ليت يعلمنا من وين احسن المنتجات والاماكن
سوولكم بالبيت والنت الله ماكثر الوصفات..طحين لوز طحين سمسم طحين جوز هند اسهل من الخبز العادي بالعمل ..
صحيح ١٠٠٪
وعلى موضوع امير الامراء المخبز ..كلامهم غير موثوق ابداااا … اسألهم فيه سكر يقولي لا بعد سبوع اسال نفس المنتج يقولي اشوي .. كل واحد يقولك شي ..طبعا قمت اقولهم ابي اكلم الشيف ..لين جربته شخصيا لان انا اعمل خبز الكيتو .. قمت وجربته على اشخاص فيهم سكر .. خبز البيت الكيتو مايحرك السكر ابدااااا …خبز الامراء وكذا مخبز يرفع السكر الي ١٣ .. من بعدها ماقمت اخذ من عندهم لعدم المصداقيه وتجربه كانت شخصيه حتى مااظلمهم